(M. Rasyad, guru SDN Cenlecen 2, Pakong, Pamekasan,
Madura)
1. EMPAL (daging sape)
Palappa: Buja, sa’ang,
babang pote, katombhar, accem, ban gula.
Carana: Daging era’kerra’ pas ececce sakone’. Palappana ekoceg alos pas eaenge sakone’. Dagingnga eles-olessagi ka palappana terros eguring ban mennya’ nyeor. Adhu
nyaman onggu ho-ho-ho-ho !
2. DHINGDING (daging sape)
Palappa: Buja, katombar, babang pote, jinten, laos, konye’,
kencor, nyeor parot, gula, ban kanji (sakonne’).
Carana: Daging era’kerra’. Palappa ekoceg pas ecampore nyeor
parot, gula, ban kanji. Dagingnga emeg-omeg agi kapalappana. Pas ececce peppe’,
laju ejemmur. Kerreng eguring ban mennya’ nyeor. Nyaaman !
3. SA’BALI (daging/tellor/ate)
Palappa: Komire, jinten, pa’ala, babang mera, babang pote,
sa’ang, jai, cabbi raja, buja, ban kecab.
Carana: Daging ekolop pas era’kerra’. Palappana esangngar pas
ekoceg. Terros eaenge pas eandhel kabajan kalaban mennya’ nyeor. Bila la ce’
ngalkalla dagingnga ecabbur. Saellana para’ massa’a eberri’i buja ban kecab.
Adha’ bandhingnga rassana lemma’ ho !
4. KARANG BINACI (daging sape)
Palappa: Sa’ang, jinten, pa’ala, babang pote, babang lalap,
buja, ban kecab.
Carana: Daging era’kerra’. Palappa ekoceg. Eaenge, pas eandhel
ka bajan kalaban mennya’ nyeor. Bila ce’ ngalkalla dagingnga ecabbur. Saellana
para’ massa’a eberri’i buja ban kecab. Lemma’ onggu hooo !
5. DAGING AJAM GURING
Palappa: Katombar, kencor, konye’, sa’ang, babang pote, accem,
ban buja.
6. BELGURING (kentang ban daging)
Palappa: Cabbi raja, jinten, babang pote, accem, ban gula.
Carana: Kentang ban daging egi’-segi’ terros eguring en-laen.
Palappa ekoceg, eaenge pas eandhel kabajan kalaban mennya’ nyeor. Bila ce’
ngalkalla ring-guringnga kentang ban dagingnga ecabbur. Saellana para’ massa’a
eberri’i buja ban gula. Asredhut apellat hooo !
7. BALGEDHIL KENTANG (kentang ban daging)
Palappa: Sa’ang, babang pote, babang mera, ban tellor.
Carana: Sa’ang ban babang pote ekoceg. Babang mera egi’segi’. Kentang ekella pas ekoceg. Daging ecacca. Sakabbina epapolong ban
ra-meraanna tellor. Pas emeg-omeg, terros epolor nol-konnol pas eolesse
te-poteanna tellorra terros eguring ban mennya’ nyeor. Nyaman onggu le’,
ale’le’ kajila hooo !
8. SOTO AJAM (daging ajam)
Palappa: Sa’ang, babang pote, ban jai.
9. MASSA’ SEMUR (daging ban kentang)
Palappa: Sa’ang, babang pote, cengke, pa’alah, ban babang lalab.
10. SEMUR DAGING (daging sape))
Palappa: Babang pote, babang mera, sa’ang, pa’alah, buja, ban
kecab.
Carana: Palappa ekoceg pas eaenge laju eandhel kabajan kalaban
mennya’ nyeor. Bila ce’ ngalkalla pas ealle ka kobali laju etambai aeng, buja,
ban kecab. Terros dagingnga ban en-laenna ecabbur.
11. SEMUR BALI (daging sape)
Palappa: Pada ban no. 3
e attas.
12. SEMUR BIASA (daging sape)
Palappa: Sa’ang, babang pote, komire, babang lalab, jinten,
pa’alah, ban kecab.
13. SA’MERA (daging sape/ajam/eso)
Palappa: Laos, jai, konye’, kencor, babang pote, sa’ang,
katombar, jinten, cabbi raja, laos, ban komire.
Carana: Palappa ekoceg pas eaenge, eandhel ka bajan kalaban
mennya’ nyeor. Bila ce’ ngalkalla ealle ka kobali laju etambai aeng ban buja.
Daging/eso ecabbur. Kowa ko’ ajam lebbi nyaman ngangguy patena nyeor. Ha-ha-ha
lemma’ ke’ !
14. MASSA’ KALDHU (daging kokod)
Palappa: Sa’ang, babang pote, ban jai.
Carana: Palappa ekoceg pas eaenge laju eandhel ka bajan kalaban
mennya’ nyeor. Bila ce’ ngalkalla ealle ka kobali terros etambai aeng ban buja
pas kokoddha ecabbur.
15. KAL-KELLAN (daging/lang-tolang)
Palappa: Sa’ang, babang pote, katombar, laos, jai,konye’,babang
lalap, ban accem sakonne’.
Carana: Palappa ekoceg pas eaenge laju eandhel ka bajan kalaban
mennya’ nyeor. Bila ce’ ngalkalla ealle ka kobali pas etambai aeng ban buja.
Terros daging/lang-tolangnga ecabbur.
16. GULE EMBI’ (daging embi’)
Palappa: Sa’ang, katombar, jinten, pa’alah, cengke, babang pote,
konye’, laos, ban jai.
Carana: Palappa esangngar pas ekoceg. Eaenge pas eandhel ka
bajan kalaban mennya’ nyeor. Bila ce’ ngalkalla ealle ka kobali terros etambai
aeng ban buja. Laju dagingnga ecabbur.
17. TESOLA (tellor)
Palappa: Konce, konye’, babang pote, patena nyeor, dhaun jerruk
porot, babang mera, cabbi lete’ bungkol, pettes, ban buja.
Carana: Konye’, konce, ban babang pote ekoceg. Pas ecampore
patena nyeor, dhaun jerruk porot ban gi’-segi’na babang mera. Laju eandhel ka
kobali pas la-kellana tellorra seella ebuwang kole’na ecabbur.
18. KOWA PETTES (tellor)
Palappa: Pada ban tesola.
19. KELLA PATE (oto’ ban tahu/tempe)
Palappa: Sa’ang, jinten, katombar, babang pote, laos, jai,
konye’, ban kencor.
Carana: Palappa ekoceg pas eaenge laju eandhel ka bajan kalaban
mennya’ nyeor. Bila ce’ ngalkalla ealle ka kobali eberri’i patena nyeor ban
buja. Oto’ tahu/tempena terros ecabbur.
20. SENG-OSENG (kangkong)
Palappa: Laos, babang pote, babang
mera, cabbi raja, cabbi lete’(bi kene’), ranti, kecab, buja, ban vetsin.
Carana: Sakabbina palappa egi’-segi’
pas eandhel ka bajan kalaban mennya’ nyeor
ban aeng. Bila ella abak massa’ ra’kerra’na kangkongnga ecabbur etoro’e
buja, kecab, ban vetsin.
21. KELLA
CELO’ (oto’, dhaun malenju, labu seem, jagung ngudha)
Palappa: Cabbi raja, komire, babang
pote, laos, katombar, kencor, ban ranti.
Carana: Palappa ekoceg pas eaenge. Ranti egi’segi’. Epapolong
pas eandhel ka kobali kalaban aeng.
22. SOP-SOPAN (gubis, wortel, kentang, ban en-laenna)
Palappa: Sa’ang, babang pote, ban buja.
23. CAKALAN BUNDHU’
Palappa: Katombar, cabbi raja, kencor, babang pote, babang mera,
gula, patena nyeor, daun jerruk porot, ban cabbi lete’ bungkol (bi kene’).
Carana: Palappa ekoceg. Cakalan ekoceg. Babang mera egi’-segi’.
Sakabbina epapolong ecampore patena nyeor ban gula. Pas
esaloy sambi egaluy laju ebundhu’ ban dhaun geddhang eberri’i cabbi lete’
bungkol pas etoab. Monda’iya nyaman onggu le’ laolana ! Ha-ha-ha-ha
24. CAKALAN PAES
Palappa: Cabbi raja, komire, babang pote, gula, ban accem.
Palappana saellana ekoceg eberri’i aeng ban mennya’ nyeor. Terros epel-pellagi.
25. CAKALAN GESSENG
Palappa: Cabbi raja, babang pote, komire, ban accem
sakonne’.
26. CAKALAN GURING
Palappa: Babang pote, accem, ban buja.
27. GIMBAL JAGUNG
Palappa: Sa’ang, babang pote, katombar, jinten, laos, jai,
konye’, kencor, nyeor, gula, ban tellor.
28. SAMBEL GURING (nyeor parot)
Palappa: Babang pote, katombar, jinten, laos, konye’, kencor,
cabbi raja, gula, daun jerruk porot, ban buja.
29. SAMBEL PAES/TOAP (nyeor parot)
Palappa: Pada ban sambel guring.
30. ACAR TEMON (temon ban camba)
Palappa: Jai, laos, babang
pote, konye’, ban cokka.
Pakong, 26 Maret 1992
Penulis: M. RASYAD
Guru SDN Cenlecen 2
Sudah
dibetulkan tgl. 27 Juni 2014
